قلت تآمر قال تسلم وابتدا كشف الورْق

دق جوالي وأحس القلب يومه دق .. دق
** صفر خمسه أربعه .. وآخره خمسه سبعتين


قلت في بالي وش الطاري عسى المحبوب رق*
* من ثمان شهور ما يسأل عسى الطاري حنين؟


المهم أني ذكرت الله .. وقلت الله حق *
*واضغط الزر المحدد .. سم .. عفوا .. أنت مين؟


قلتها وأنا أعرفه مير الثقل حل وسبْق *
*قال أنا اللي متصل وأرجوك زيّنها تزين


قلت ( يعني) قال يعني شوفني ميت زهْق*
* ودي أسولف معك من غير جيم وغير سين



قلت تآمر قال تسلم وابتدا كشف الورْق*
* واسمعه دق (السبيكر) قلت .. عونك يا معين


قال وش حالك عساك بخير .. قلت الخير طق *
*من عقب فرقاك يا قاسي غدا حالي حزين



قال قلبك وش علومه .. قلت قلبي أحترُق *
*ما قوا هجرك ولا بعدك ولا قهر السنين


قال شعرك .. قلت شعري .. لا ابد طب وتنْق *
*كل خفّاقي قصايد .. من يسار ومن يمين



قال كبه .. قلت أكبه .. قال والمركب غرْق*
* قلت مركب ايش هذا .. قال طحت بهالكمين




ماني بصاحبك بس أرجوك من يسبق لبْق*
* انت اسلوبك عسل وانفاس حكيك ياسمين


بالغلط دقيت .. وأحمد ربي الرازق رزْق *
*والله أعلم انك مشبه على شخص ٍ ثمين



قلت لحظه ماهي الدعوه صحن خبز ومرْق *
*اصبر اصبر خلني أعرف مكان اللبس وين؟



قمت أراجع رقمك الموجود واشوفه فرْق *
*أنت خمسه سبعتين وذاك سبعه خمستين