]يسعد صباح الذوق ياكامـل الـذوق
ويسعد مساء شعرٍ لوصفـك تـذوّق
لوصفك بيوت الشعر يدعيهن الشوق
لفرايد اوصافـك قصيـدي تشــــوّق
يروق فيك الشعـر وارتـاح واروق
بذكراك واوصافـك خيالـي يـــروّق
ياللي مكانك غير كل البشـر فـوق
عندي . ووصفك بالجمـال متفـــوّق
انا دخيـل الخـد والقـد والمـوق
وخصرٍ عليه من الحرير المضـــــوّق
يادانـةٍ ماسعروهـا هـل السـوق
محجوبة ٍ عن عيـن كـل متســــوّق
اسج مع ذكـراك واغيـب وافـوق
تقول من كـاس السكـارى مــذوّق
تمشي بي الاقدام يمك بـلا عـوق
وان رحت مقفي عنك كني معـوّق
يسعد مساء اغلى البشر كامل الذوق
ويسعد صباحه شعري اللي تـذوّق